Karantın kezinde otshashý atqan elorda turǵyny ustaldy
NUR-SULTAN. QazAqparat – Polıtsııa qyzmetkerleri karantın rejımin buzyp, túngi ýaqytta birneshe ret petarda atqan 34 jastaǵy er adamdy ustady, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Polıtseıler tártip buzýshyǵa qatysty QR Ákimshilik quqyq buzýshylyq kodeksiniń 436-baby 1-bólimi («eldi mekenderde pırotehnıkalyq buıymdardy qoldaný») jáne 476-babynyń 6 bólimi («tótenshe jaǵdaı rejımin buzý») boıynsha hattama toltyrdy. Materıal Nur-Cultan qalasynyń Mamandandyrylǵan aýdanaralyq ákimshilik sotyna jiberildi.
Polıtsııa departamenti elorda turǵyndaryna karantın kezinde úıden sebepsiz shyqqandar ákimshilik jaýapkershilikke tartylatynyn taǵy eskertedi.
