Karantın kezinde Mańǵystaýdaǵy mádenıet oshaqtary qalaı jumys istep jatyr
Máselen, Mańǵystaýdaǵy mádenıet oshaqtary karantın talaptaryn saqtaı otyryp, jańa formatta jumys isteýge kóshti, dep habarlaıdy QazAqparat.
Mańǵystaý oblystyq mádenıet jáne tilderdi damytý basqarmasynyń bólim basshysy Jemis Erjigitovanyń málimetinshe, basqarmaǵa qarasty 10 mekeme bar. Teatrlar, fılarmonııa, mýzeıler, kitaphanalar men arhıv mekemeleri qyrkúıek, qazan aılarynan bastap kelýshilerdi qabyldaı bastady.
«N. Jantórın atyndaǵy Mańǵystaý oblystyq mýzykalyq-drama teatry men Mańǵystaý oblystyq qýyrshaq teatry kórermenderdiń mindetti túrde qoıylymǵa betperdemen kelýin jáne ara qashyqtyq saqtaýyn qadaǵalaıdy. 200 oryndyq kórermender zalyna, ár spektaklge 50 kórermennen artyq jiberilmeıdi. Jańa maýsymnyń ashylýyna daıyndyqqa baılanysty teatr ujymy tolyq quramda jumys atqarýda», - dedi ol.
Mýzeıge kelýshiler quramy ár túrli sanatta (eresek, stýdent, oqýshy, balabaqsha jasyndaǵy), jekelegen jáne otbasymen keletin kelýshiler, sonymen qatar aldyn ala tapsyryspen toptyq ekskýrsııamen keletin kelýshilerdi quraıdy. Toptyq ekskýrsııamen keletinderge arnaıy eskertilip, 5-10 adamnan qabyldanady. Á.Kekilbaıuly atyndaǵy Mańǵystaý oblystyq tarıhı-ólketaný mýzeıi (fılıaldary) kelýshilerdi qyrkúıek aıynyń 23-nen bastap qabyldaı bastady.
«Adaı ata – Otpan taý tarıhı-mádenı keshenindegi Aqsaraı ǵımaratyndaǵy mýzeı jáne Mańǵystaý aýdany Shetpe selosyndaǵy memorıaldyq mýzeıge kúndelikti saǵat 09.00-18.00 aralyǵynda 10-15 kelýshi qabyldaıdy. Mańǵystaý memlekettik tarıhı-mádenı qoryǵy mekemesi qyrkúıek aıynan bastap kelýshilerdi qabyldaı bastady. Ekskýrsııaǵa kelýshi kórermender 30 adamnan aspaıdy. Ekskýrsııa, is-sharalar kezinde, ara qashyqtyqty saqtaý, betperde kııý mindetteledi.
Qoryq qyzmetkerleri jumys grafıgi boıynsha, barlyǵy turaqty jumys istep jatyr. Memlekettik arhıvke (fılıaldaryna) kelýshiler sany kúnine 1-2 adam, arhıvtegi qyzmetter elektrondy formatta kórsetý múmkindigi bar. Al, arhıvtegi oqý zalyna keletin paıdalanýshylar men zertteýshilerge, ǵımaratqa betperdemen kirý, ara qashyqtyq saqtaý talaptary qoıylǵan»,- deıdi Jemis Erjigitova.
Al, Murat Óskinbaev atyndaǵy Mańǵystaý oblystyq fılarmonııasynyń dırektory Bekbol Bazarbaevtyń aıtýynsha, mekeme 23 qazannan bastap kórermendi qabyldaı bastaǵan.
«M.Óskinbaev atyndaǵy Mańǵystaý oblystyq fılarmonııasy qazan aıynyń 23 juldyzynan bastap fılarmonııanyń kontsert zalyna kórermen qabyldap, ujymdar kontsert qoıa bastady. Aptasyna bes kontsertten, kúnine bir kontsertten josparlanǵan kontsertterdiń bastalý ýaqyty kúndelikti saǵat 19.00-de. Kórermen sany 60 adamnan aspaıdy. Kontsert maýsymynyń ashylýyna baılanysty ujymdar jumys kestesi boıynsha top-tobymen daıyndyq ótkizedi»,-dedi Bekbol Bazarbaev.
Mańǵystaý oblysynyń Bas memlekettik sanıtarııalyq dárigeriniń 2020 jylǵy 18 qyrkúıektegi shyqqan «Mańǵystaý oblysynyń aýmaǵynda karantın rejımi jáne karantındik sharalardy kezeń-kezeńmen jeńildetý týraly» 2020 jylǵy 28 tamyzdaǵy №38 qaýlysyna engizilgen ózgerister boıynsha karantın sharalaryn eskere otyryp, kelgen kórermenderdiń dene qyzýyn (teplovızor arqyly) ólshep,ıbetperdemen kirýin qadaǵalap jáne antıseptıkter (loktevoı) qondyrylǵan. Ǵımarattyń ishi kúnine eki ret jáne eki saǵat saıyn dárethanalar arnaıy ertindimen zalalsyzdandyrylady.