Karantın kezinde mádenıet jáne sport qyzmetkerleriniń jalaqysy saqtaldy - Raıymqulova

NUR-SULTAN. QazAqparat - Karantın kezinde mádenıet jáne sport qyzmetkerleriniń jalaqysy tolyq saqtaldy. Bul týraly Ortalyq kommýnıkatsııalar qyzmeti alańynda ótken brıfıngide QR Mádenıet jáne sport mınıstri Aqtoty Raıymqulova aıtty, dep habarlaıdy QazAqparat tilshisi.

«Shynymen de pandemııa kezeńinde mádenıet jáne sport nysandary kóp josparyn ózgertýge májbúr boldy. Josparlanǵan sharalardyń kópshiligi jańa ári tosyn formatta ótkizildi. Jalpy, biz muny syn-tegeýrin retinde qabyldadyq ári qymbatty kórermenderimizben júzdesýdiń qyzyqty formalaryn taptyq. Sharalardyń birazy ekinshi jartyjyldyqqa aýystyryldy. Іs júzinde memlekettik mekemeler qandaı da bir zııan shekken emes. Óıtkeni, mádenıet, sonymen qatar sport memlekettik mekemelerinde jumys isteıtin barlyq qyzmetker jalaqysyn, memlekettik kepildik beretin preferentsııasyn saqtap qaldy», - dedi ol.

Mınıstr pandemııa kezinde óte kóp qyzyqty jobalar ázirlengenin aıtady.

«Búgingi kúni olardyń keıbiri jalǵasady. Sebebi olar shyǵarmashylyq uıymdarynyń áleýetin barynsha asha túsýge septigin tıgizedi. Aýdıtorııamyz úshin jańa formattar shyn máninde súıikti dúnıege aınalady dep úmittenemiz. Qazirgi ýaqytta teatr, mýzeı syndy mádenı nysandar jumysyn bastady. Olar shtattyq rejımdegi kúndelikti jumysyna tolyq kiristi. Teatr jáne opera qoıylymdarynyń premerasy jańa kontserttik-teatr maýsymynyń basynda ótedi», - dedi Aqtoty Raıymqulova.