Karantın kezinde qyzmetkerlerimen monshaǵa barǵan ákim «sógis» aldy
Túrkistan oblysyndaǵy Ádep jónindegi keńesi músheleri sheneýniktiń máselesin qarap, osyndaı tártiptik jaza taǵaıyndady, dep habarlaıdy QazAqparat tilshisi.
Ádep jónindegi keńestiń kezekti otyrysynda málim bolǵandaı, Shardara aýdanynyń ákimi memlekettik qyzmetshilermen birge monshaǵa barǵan. Ol tótenshe jaǵdaı rejımin qamtamasyz etý jónindegi óńirlik komıssııanyń tóraǵasy bola tura, óziniń is-áreketimen qoǵam tarapynan aıtylatyn synǵa sebepker bolǵany anyqtalǵan.
Sonymen qatar, qyzmettik avtokóliktiń jumystan tys ýaqytta paıdalanylýyna jol bergen. Otyrys nátıjesinde Ádep jónindegi keńestiń sheshimen Shardara aýdanynyń ákimi Q.Joldybaıǵa «sógis» túrindegi tártiptik jaza qoldaný usynyldy. Sondaı-aq, aýdan ákiminiń apparat basshysy Ǵ.Amantaıǵa jáne Dene shynyqtyrý jáne sport bóliminiń basshysy Sh. Raıhanovqa «qatań sógis» túrindegi tártiptik jaza qoldaný usynyldy.
