Karantın kezinde Qorǵanys mınıstrliginiń oqý oryndaryna qalaı túsýge bolady

NUR-SULTAN. QazAqparat - Karantın kezinde Qorǵanys mınıstrliginiń joǵary oqý oryndaryna tús tártibi jarııalandy, dep habarlaıdy QazAqparat mınıstrliktiń baspasóz qyzmetine silteme jasap.

Qorǵanys mınıstrliginde kúrdeli epıdemıologııalyq jaǵdaıǵa baılanysty áskerı oqý oryndaryna talapkerlerdi qashyqtan qabyldaý týraly sheshim shyqty.

Áskerı ınstıtýtqa túsý úshin 27 shilde men 11 tamyz aralyǵynda, Kadet korpýsyna qabyldaný úshin 1- 20 tamyz aralyǵynda qabyldaý komıssııalary talapkerlerdiń UBT-ny tapsyrý, psıhologııalyq test nátıjesi jáne jergilikti áskerı basqarý organdarynyń medıtsınalyq komıssııasynyń qorytyndysy, sondaı-aq bilim týraly qujatta kórsetilgen dene shynyqtyrý daıarlyǵy baǵasy boıynsha jasalǵan jıyntyq reıtıngi keste negizinde úmitkerlerdi qabyldaıdy.

Sonymen qatar, «Jas ulan» respýblıkalyq mektebine qabyldaý talapkerlerdiń qatysýynsyz, matematıka, til jáne dene shynyqtyrý boıynsha negizgi orta bilimdi bitirgeni týraly kýálikte kórsetilgen baǵalar, ata-analar usynǵan densaýlyǵy týraly medıtsınalyq anyqtama negizinde 2020 jyldyń 3-7 tamyz aralyǵynda ótedi.

Jergilikti áskerı basqarý organdarynda áskerge shaqyrý komıssııalary talapkerdi medıtsınalyq kýálandyrý, kásibı-psıhologııalyq testiden ótkizý, oqý oryndaryna qujattardy jınaý jáne usyný uıymdastyryldy.

Іrikteý aıaqtalǵany, qabyldaý komıssııasynyń sheshimi jáne iriktelgen úmitkerlerdiń kelý merzimi týraly aqparatty tómendegi saıttardan bilýge bolady.

- Radıoelektronıka jáne baılanys áskerı-ınjenerlik ınstıtýty – viires.kz

- Áýe qorǵanys kúshteriniń Áskerı ınstıtýty – visvo.mil.kz

- Qurlyq áskerleriniń Áskerı ınstıtýty – 8 [phone], 8 [phone]

- Qorǵanys mınıstrliginiń Kadet korpýsynyń baılanys nómiri: 8 (71636) 4-15-20, 8-776-171-09-79, 8-700-983-25-99, 8-747-354-14-13.

- «Jas ulan» RM Nur-Sultan q. – zhasulan.mil.kz

- «Jas Ulan» RM Almaty q. – 8 [phone], 8-778-421-75-12.

- «Jas Ulan» RM Shymkent q. – miled.kz

- «Jas ulan» RM Qaraǵandy q. – zhasulan-krg.kz

Іrikteýden sátti ótken talapkerler oqý ornyna keler aldynda COVID-19-ǵa test tapsyryp, nátıjesin kórsetýi qajet. Karantınge sáıkes olar eki apta boıy oqshaýlaýda bolady. COVID-19-ǵa tapsyrǵan testi oń nátıje shyqqan talapkerler tolyq saýyqqannan keıin qaıta tapsyrǵan medıtsınalyq test nátıjesi bolǵan jaǵdaıda oqý ornyna kele alady.