Karantın kezinde Kókjaılaýdaǵy saýyq keshine barǵandar anyqtaldy
ALMATY. KAZINFORM – Almatyda karantın rejımi kezinde Kókjaılaý shatqalyndaǵy saýyq keshine barǵan tulǵalar anyqtaldy, dep habarlaıdy QazAqparat tilshisi.
«Birneshe kún buryn Kókjaılaý shatqalynda bir top adam kıno kórip, kontsert uıymdastyryp, kóńil kótergen. Olardyń kim ekendigi anyqtaldy. Olardyń barlyǵy ákimshilik jazaǵa tartyldy. Qazir qylmystyq jaza qarastyrý máselesi qoıylyp otyr. Qazir bul terrıtorııa Almaty ákimdiginiń qaraýyna berilgenin bilesizder. Jer ýchaskesiniń taǵdyryna baılanysty ákimdik pen mınıstrlik talqylaý júrgizip jatyr», - dedi Almaty ákiminiń birinshi orynbasary ERlan Qojaǵapanov.
Aıta ketý kerek, ótken aptada karantın talabyna qaramastan Kókjaılaý shatqalynda bir top adam saýyq keshin uıymdastyryp, demalǵan.
Keıin osy oqıǵaǵa qatysty ákimdik túsinik berdi.
