Karantın kezinde qaı eldi mekenderdiń turǵyndary elordaǵa qatynaı alady
Málimetke saı, blokposttar Talapker, Qaraótkel (Ilınka), Qoıandy, Qosshy, Jibek-Joly eldi mekenderi men « Nur-Sultan-Petropavl « avtojoly ýchaskesinde ornalasqan. Sondaı-aq, Aqmola oblysynyń ákimdigi Shubar aýylynyń aýdanynda blokpost ornatty.
Sondaı-aq, Talapker, Qaraótkel (Ilınka), Qoıandy, Qosshy, Jibek-Joly eldi mekenderiniń turǵyndary qalaǵa esh kedergisiz kirip-shyǵa alady. Olarǵa jumys ornynan anyqtama qaǵaz nemese mekenjaı tirkelimin rastaıtyn qujat qajet emes. Bul eldi mekender karantındik aımaqtyń shekarasyna engizildi.
«Blokpostarda baqylaý aımaqtary, palatkalar jáne qyzmet kórsetý pýnktteri ornatylady. 19 naýryz kúni saǵat 00:00-den bastap elordada karantın rejımi engiziledi. Qalada jedel shtab jumys isteıdi, koronavırýstyq ınfektsııa anyqtalǵan kezde is-qımyl algorıtmi ázirlendi. Azamattardy retsiz úıden shyqpaýǵa, barlyq qaýipsizdik sharalaryn saqtaýǵa shaqyramyz» delingen habarlamada.