Karantın kezinde qarjy pıramıdasyn qurýǵa qatysty is 7 esege ósken - BAQ
2022 jyly bul sanatta qozǵalǵan qylmystar sany 2020-20221 jyldardaǵy kórsetkishke qaraǵanda azaıǵanymen, azamattarǵa keltirilgen qarjylaı zaladyń mólsheri joǵary kúıinde qalyp otyrǵan kórinedi.
«2019 jyly qarjy pıramıdalaryn jasaýshylardyń ústinen qylmystyq isterdiń sany salystyrmaly túrde az boldy. Al pandemııanyń birinshi jylynda birden jeti ese, 24-ten 180-ge deıin ósti. Zalal somasy úsh esege ósti — 2019 jyly 1,59 mlrd teńge bolsa, 2020 jyly 6,17 mlrd teńgege jetti», - dep jazady Ranking.kz.
Resýrstyń jazýyna qaraǵanda, 2021 jyl Qazaqstandaǵy qarjy pıramıdalaryn jasaýshylar úshin «gúldený kezeńi» bolǵan.
«Olar megapolısterden aımaqtarǵa jelilerdi taratý arqyly aýqymdaryn keńeıte bastady. 2022 jyly salymshylardyń aqshasyn tartý arqyly jasalǵan qarjylyq qylmystar azaıdy. Qańtar–qarasha aılarynda 127 jaǵdaı tirkelgen. Bul 2021 jyldyń kórsetkishimen salystyrǵanda 24,8% tómen. Zardap shekkender sany 1,2 myńnan 625 adamǵa deıin azaıǵan», - delingen saraptamada.
Bas prokýratýranyń Quqyqtyq statıstıka jáne arnaıy esep komıtetiniń derekteri boıynsha qańtar-qarasha aralyǵynda qazaqstandyqtar qarjy alaıaqtaryna 8,11 mlrd teńge aýdarǵan. Al sonyń tek 4%-y ǵana, nemese 325 mln teńge ǵana qaıtarylǵan.
