Karantın kezinde elordanyń saýda oıyn-saýyq ortalyqtary jumys istemeıdi
NUR-SULTAN. QazAqparat – Koronavırýs ınfektsııasynyń taralýyn aldyn alý jónindegi jedel shtabtyń sheshimimen elordada karantın kezeńinde iri saýda nysandarynyń, saýda ortalyqtary men otbasylyq ortalyqtardyń, ámbebap zat satatyn bazarlardyń, kólik jýý, qyzmet kórsetý stansalarynyń qyzmeti ýaqytsha toqtatylady, dep habarlaıdy QazAqparat ákimdiktiń saıtyna silteme jasap.
Saýda jáne ıntegratsııa mınıstrligi men Densaýlyq saqtaý mınıstrligi «Qazaqstan Respýblıkasynda tótenshe jaǵdaı engizý týraly» Qazaqstan Respýblıkasy Prezıdentiniń 2020 jylǵy 15 naýryzdaǵy № 285 Jarlyǵyna sáıkes kezeńdegi saýda obektileriniń jumys isteýi jónindegi usynymdardy bekitý týraly» buıryqqa ózgerister engizý týraly sheshim qabyldady.
«Saýda jáne ıntegratsııa mınıstrligi men Densaýlyq saqtaý mınıstrliginiń birlesken buıryǵymen bekitilgen usynymdar karantın rejimi qoldanylatyn aýdandarda nemese tıisti aımaq ákimderiniń, bas memlekettik sanıtarlyq dárigerdiń sheshimi boıynsha qosymsha shekteý sharalary engizilgen aýmaqtarǵa qoldanylmaıdy», delingen habarlamada.
