Karantın kezinde dárigerler qazaqstandyqtarǵa tegin konsýltatsııa jasaıdy

Shalǵaı aýyldarda beıindi mamandar joq, al qala turǵyndary dárigerge barýǵa ýaqyt tappaıdy. Osyǵan baılanysty 2020 jyldyń basynda Qazaqstanda 1430.kz onlaın-platformasy iske qosyldy, jańa qyzmet arqyly turǵyndar beıindi mamandardan keńes ala alady. Elimizdiń kez kelgen aımaǵynda otyryp úıden shyqpaı-aq dárigermen baılanysýǵa bolady.

Bul platformanyń basty eki maqsaty bar. Turǵyndarǵa keńes berý jáne dárigerlerdiń qosymsha tabys tabýyna múmkindik berý. 1430.kz qyzmeti arqyly Qazaqstannyń ár aımaǵynan 1 847 dáriger halyqpen baılanysta. Olardyń barlyǵy medıtsınalyq tájirıbesi mol kásibı mamandar.

Qyzmet qalaı jumys isteıdi? 1430.kz saıtyna kirip, qajetti mamandy tańdaısyz. Kez kelgen óńirden habarlasýǵa bolady jáne mamannan konsýltatsııa alý úshin ózińizge qolaıly ýaqytty belgileısiz.

Búginde shalǵaı aýyldarda hırýrg, lor-dáriger, nevrologty aıtpaǵanda, qarapaıym terapev jetispeıdi. Atalǵan dárigerlerden keńes alý óte qıyn.

Al, úlken qalalarda másele múldem basqa. Munda maman kóp, biraq turǵyndardyń dárigerge barýǵa ýaqyty joq. Sebebi, jumystan qoly bosamaıdy, kóshede keptelis, emhanalarda uzyn-sonar kezek. Demek, dárigerge jetý úshin jarty kún ketedi.

Osy máselelerdi eskerip, 1430.kz qyzmeti iske qosyldy. Dárigerden keńes alý úshin onyń qabyldaýyna barýdyń qajeti joq. Úıde otyryp basqa qaladaǵy dárigerimen sóılese alasyz. Dárigerler onlaın keńes beredi, tipti, qan, zár, MRT, KTA analızin de qaraıdy.

Búginde 2 myńnan astam adam 1430.kz servısin paıdalandy. Kún saıyn dárigerler 150-200 turǵynnyń suraqtaryna jaýap beredi. Onlaın-ótinishterdiń statıstıkasy ósýde.

Karantın kezinde 1430.kz platformasynyń múmkindigi men medıtsınalyq qyzmetterge degen suranys artty. Karantınde qazaqstandyqtardyń basym bóligi qashyqtyqtan jumys isteýde. Adamdarda óziniń jáne jaqyndarynyń densaýlyǵyna kóńil bólýge múmkindik týdy. Osy oraıda, 1430.kz saıtyna kirip, úıden shyqpaı-aq mamandarǵa habarlasýǵa bolady.

Aıta ketý kerek, tótenshe jaǵdaı rejımi kezinde 1430.kz qyzmetiniń mamandary halyqqa tegin keńes berdi. Bul qıyn ýaqytta qazaqstandyqtarǵa úlken qoldaý jáne kómek boldy.