«Qazaqstan halqy kóp jaǵdaıda tártipke baǵynyp, zańǵa moıynsunatyndyǵyn, tótenshe jaǵdaıdyń barlyq erejeleri men usynystaryna baǵynatyndyǵyn kórsetip berdi. Árıne, kóktem keldi, úıde otyrý qıyn. Rejım de buzylyp jatady. Biraq, mundaı jaıt agressıvti formada ótpese, onda polıtsııa qyzmetkerleri de túsinistik tanytady. Kúnine bir ret birdeńe satyp alý nemese jaı taza aýamen demalý úshin dalaǵa shyqqan kezde kórgenimdi aıtyp otyrmyn. Patrýlder barynsha izetti, degenmen naqty áreket etip jatyr», - dedi ol.

Osy rette saıasatker naqty mysal da keltirip ótti. «Úıime taqaý jerde fýtbol alańy bar. Sol jerge 15 shaqty bala jınaldy. Taza aýamen demalamyz degeni shyǵar. Patrýldik mashına kelip, olarǵa 5 mınýttyń ishinde tarqamasa 26 myń teńgeden tóleýge májbúr bolatyndyqtary eskertildi. Balalar birden tarap ketti. Kózimmen kórgenimdi aıtyp otyrmyn. Taǵy da qaıtalap aıtamyn, Qazaqstanda tótenshe jaǵdaı rejımi durys ótip jatyr», - dedi Ermuhambet Ertisbaev.

Aıta keteıik, elimizge tanymal saıasatker suhbatynyń tolyq nusqasy.