Karantın Qazaqstan turǵyndarynyń emıgratsııasyn báseńdetti
NUR-SULTAN. QazAqparat – Karantın Qazaqstan turǵyndarynyń emıgratsııasyn báseńdetti: birinshi toqsan qorytyndylary boıynsha ótken jyldyń sáıkes merzimimen salystyrǵanda elden ketken adamdar sany 12 paıyzǵa qysqarǵan. Al kelýshiler sany 34 paıyzǵa kóbeıdi, dep habarlaıdy QazAqparat finprom.kz-ke silteme jasap.
2020 jylǵy qańtar-naýryz aralyǵynda elden 7,3 myń adam ketken – bul ótken jyldyń osyndaı kezeńimen salystyrǵanda 12,1 paıyz az (8,4 myń adam). Elden ketken adamdar sanynyń azaıýyna negizgi sebep - COVID-19 vırýsynyń taralýyna baılanysty qabyldanǵan karantındik sharalar. Bul rette aǵymdaǵy jyldyń osyndaı kezeńinde Qazaqstanǵa kelýshiler sany 34,4 paıyz ósip, 4,3 myń adamdy quraǵan.
Anyqtama úshin: jalpy alǵanda, 2019 jyly elden 45,2 myń adam ketip, barlyǵy 12,3 myń adam kelgen.
Elden ketken adamdardyń basym bóligi Reseıge kóshken: 6,4 myń adam nemese jalpy sannyń 86,6 paıyzy. Germanııaǵa 456 adam (nemese 6,2%), Ózbekstanǵa 115 adam (nemese 1,6%). Sondaı-aq, elden AQSh-qa -106, Belarýske 51 adam kóship ketken.
