Karantın qaıta qataımas úshin ótkennen sabaq ala bileıik – Álııa Sálıeva

ORAL. QazAqparat – Batys Qazaqstan oblysynda búginnen bastap karantındik shekteý sharalary jeńildetildi. Osyǵan oraı «Aqjaıyq adaldyq alańy» jobalyq keńsesiniń basshysy Álııa Sálıeva óz pikir-paıymyn bildirdi, dep habarlaıdy QazAqparat tilshisi.

Onyń aıtýynsha, karantınniń jeńildetilýi sanıtarlyq talaptardy saqtaýdy toqtatý degen sóz emes.

- Adamdar kóp jınalatyn jerlerde betperde taǵyp, abaı bolý qajet. Ásirese, kezekke turǵanda áleýmettik qashyqtyqty saqtaýdy eskermeýge bolmaıdy. Bári ózimizge baılanysty, - dedi Álııa Ótemisqyzy.

Áıtpese koronavırýs indeti qaıta órship, karantın qatańdatylýy múmkin. Bul bazar, shashtaraz jáne basqa nysandardyń jabylýyna soqtyrady. Sóıtip olarda jumys isteıtin adamdar nápaqasyz qalady.

«Biz shilde aıyndaǵy oqıǵalardan sabaq ala bilýimiz kerek. Qanshama jaqyn týystarymyzdan, dostarymyzdan aıyryldyq. Biz olardy eshqashan umytpaımyz.

Koronavırýstyń beti áli qaıtqan joq. Sanıtarlyq talaptardy qatań saqtaýymyzdyń arqasynda ǵana indet keıin shegindi. Ony birjola jeńý úshin aldyńǵy shepte júrgen dárigerlermen birge qarapaıym turǵyndarǵa deıin birlese

kúrese bilgeni abzal. Sondyqtan óz ómirimiz ben

densaýlyǵymyzdy saqtaı bileıik, aǵaıyn!» dedi Á.Sálıeva.

Eske sala keteıik, budan buryn Batys Qazaqstanda karantındik sharalar jeńildetilgenin jazǵan bolatynbyz.