Karantın: Qaraǵandylyq jalǵan ruqsat qaǵazyn 5 myń teńgeden satqan
QARAǴANDY. QazAqparat – Qaraǵandyda karantın kezinde júrip-turýǵa ruqsat beretin jalǵan anyqtama qaǵazyn satqan er adamdy ustaldy, dep habarlaıdy QazAqparat tilshisi.
Qaraǵandy oblysy Polıtsııa departamentiniń Krımınaldyq polıtsııa qyzmetkerleri karantın kezinde qala boıynsha júrip-turýǵa ruqsat beretin jalǵan anyqtamany satqan azamatty ustady.
«Bıznestiń» jańa túrimen aınalyspaq bolǵan Qaraǵandy qalasynyń 39 jastaǵy turǵyny ustaldy. Ol jalpy eseptegende 50 dana jalǵan qujat satyp úlgergen, ruqsat qaǵazdardyń bir danasy 5 myń teńgeden satqany anyqtaldy», - dep habarlady Qaraǵandy oblysy PD baspasóz qyzmeti.
Qylmyskerdi krımınaldyq polıtsııa qyzmetkerleri quryqtaǵan. Jalǵan qujatty satyp alyp, tekseris kezinde tártip saqshylaryna kórsetkende, polıtseılerde qaǵazdyń zańdy túrde jasalǵanyna kúdik paıda bolǵan.
Atalǵan fakti boıynsha QR QK 385 – baby 1-bóligi «Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý» boıynsha sotqa deıingi tergeý bastaldy.
