Karantın: Qaraǵandyda 2,2 myń nysan tekserildi

QARAǴANDY. QazAqparat - Qaraǵandy qalasynda Qoǵamdyq baqylaý músheleri karantın talaptaryn buzǵan birneshe mekemeni anyqtady. Demalys kúnderi 50-den astam nysanda sanıtarlyq sharalar qanshalyqty saqtalatyny tekserildi, dep habarlaıdy QazAqparat tilshisi.

«18 qazandaǵy kezekti túngi reıd kezinde Loft Grill mekemesinde kelesi buzýshylyqtar tirkeldi: qyzmetkerlerdi temperatýrany ólshemeı, qolǵapsyz jumysqa jiberilgen», - dep habarlady Qaraǵandy oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetinen.

Osy tártip buzýshylyq boıynsha akt jasalyp, qujattar tapsyryldy.

Jalpy, demalys kúnderi 54 nysan tekserildi. Senbi kúni mobıldi top 24 nysanǵa bas suqqan. Onyń ishinde túngi reıdti eseptemegende 5-eýinde ereje buzýshylyqtar anyqtalǵan.

Al jeksenbi kúni 30 nysan tekserildi, onyń 5-eýinde ereje buzylǵan.

Jalpy, Qaraǵandy qalasynda 10 shilde - 18 qazan aralyǵynda 2215 nysan tekserildi, olarda 123 buzýshylyq anyqtaldy, 113 hattama toltyryldy.