Karantın: Іri meıramhanalar janynda polıtsııa beketteri qoıylyp jatyr

NUR-SULTAN. QazAqparat – Turǵyndar toı ótkizip, karantın rejımin elemeı jatyr. Bul týraly QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova málim etti, dep habarlaıdy QazAqparat tilshisi.

Ortalyq kommýnıkatsııalar qyzmetinde shekteý sharalaryna qaramastan el óńirlerinde toılar ótkizilip jatqany týraly jáne monıtorıng toptardyń jumysy jaıynda suraq qoıyldy.

«Іndettiń taralýy óskenine qaramaı, turǵyndar tarapynan karantın rejımin elemeý jalǵasyp keledi. Qazirgi kezde aýrýdy juqtyrý deńgeıi artqan óńirlerde jergilikti atqarýshy organdar qosymsha sharalardy qabyldaýǵa májbúr. Osy oraıda Shyǵys Qazaqstan oblysynda iri meıramhanalar janynda polıtsııa postary qoıylyp jatyr. ıAǵnı toıdan keıingi onyń saldarymen kúreskenshe, oǵan jol bermeýdiń qadamdary jasalyp otyr. Osy tektes sharalar Almatyda atqarylyp jatyr. Túngi klýbtar mańynda da polıtsııa beketteri qoıylady. Adamdardyń kóptep jınalýyna jol bermeýge mán berilip jatyr», - Aıjan Esmaǵambetova.

Onyń aıtýynsha, atalǵan máselelerde ár adamda joǵary azamattyq ustanym men jaýapkershilik bolýy kerek. Sebebi toılarda karantın is-sharalaryn buza otyryp, olar vırýstyń taralýyna óz úlesterin qosyp keledi.

«Qazirgi epıdemıologııalyq ahaldy eskere otyryp, karantın sheshimderin tolyqtaı oryndaýǵa, toılardy ótkizbeýge shaqyramyz. Sonymen qatar, koronavırýsqa qarsy vaktsına alýǵa keńes beremiz», - dedi komıtet basshysy.