Karantın: Elordadaǵy barǵa klıentter jasyryn esikten kirip júrgen
NUR-SULTAN. QazAqparat – Nur-Sultan qalasyndaǵy Taýarlar men kórsetiletin qyzmetter sapasy men qaýipsizdigin baqylaý basqarmasynyń qyzmetkerleri, ákimdik qyzmetkerleri, eriktiler men polıtseılerden quralǵan monıtorıng toptary karantın rejımin saqtamaý faktisin anyqtaý úshin kún saıyn reıd ótkizip jatyr, dep habarlaıdy QazAqparat qalalyq poltsııa departamentiniń baspasóz qyzmetine silteme jasap.
Elordalyqtar sanıtarııa dárigeriniń birqatar eskertý sharalary kórsetilgen qoldanystaǵy qaýlysyna qaramastan, kóńil kóteretin oryndar, kompıýter klýbtaryna barýdan áli de bas tartpaı jatyr. Sanıtarlyq talaptardy elemeı júrgen alańsyz azamattar áreketiniń saldaryn oılamaı, qala turǵyndaryn densaýlyǵyn qaterge tigip otyr.
Sońǵy eki táýlikte polıtsııa departamentiniń birqatar aýmaqtyq bólimshele qyzmetkerleri qalalyq Taýarlar men kórsetiletin qyzmetter sapasy men qaýipsizdigin baqylaý basqarmasynyń ókilderimen birge 124 kásipkerlik nysanyn tekserip, karantın talaptarynyń saqtalmaýyna qatysty 14 fakti anyqtaǵan.
Keıbir mekemeler aqsha tappaq bolyp, kelýshilerdi jasyryn esik arqyly kirgizip jatyr. Osylaısha, keshe mobıldi top saǵat 23:05-te jumys istep turǵan «Panaehalı» baryn anyqtaǵan. Mekeme ákimshiligi qýlyq jasap, mekemeniń aldyńǵy esigin jaýyp tastaǵan. Barǵa klıentter mekemeniń as bólmesindegi esikpen kirgen.
Sondaı-aq, reıd júrgizý barysynda monıtorıng toby «Banzaı» dámhanasyda talapty saqtamaǵanyn anyqtaǵan. Saǵat 00:44-te munda kelýshiler kóńil kóterip otyrǵany belgili boldy.
Túngi reıdter barysynda mobıldi top tyıym salynǵan ýaqytta jumys istep turǵan loto klýb, kompıýter klýbtary men dúkenderdi anyqtaǵan.
Karantın rejımin buzýshylarǵa qatysty jınalǵan materıal Ákimshilik quqyq buzýshylyq týraly kodeksiniń
425-baby boıynsha ákimshilik jaýapkershilikke tartý úshin Taýarlar men kórsetiletin qyzmetter sapasy men qaýipsizdigin baqylaý basqarmasyna joldandy.
