Karantın: Elordada toı-jıyndar tyıylar emes
Nur-Sultan qalasy polıtsııa departamentiniń baspasóz qyzmeti monıtorıngtik top ókilderiniń jaqynda tekserý jumystary barysynda «Jumbaqtas» meıramhanasynda ótip jatqan tusaýkeser toıynyń ústinen túskenin málim etti. Meıramhanada 70 adam bolǵan, olardyń arasynda qart adamdar men jas balalar da bar.
«Kópshilik arasynda birneshe saǵat bolǵan azamattar ózderiniń densaýlyǵyna ǵana emes, aınalasyndaǵylardyń ómiri men densaýlyǵyna qaýip tóndirip turǵanyn túsinbeıdi»,-deıdi polıtsııa.
Sondaı-aq Qabanbaı batyr kóshesindegi «VaoVao» meıramhanasyna jasalǵan reıd kezinde saǵat 23.10-da karantın talaptaryna qaramastan 100-ge jýyq kelýshi bı alańynda mýzakany shyńǵyrtyp qoıyp, bı bılep, áleýmettik qashyqtyqty umytqan. Qalǵandary ústel basynda otyrǵan.
Menshik ıelerine qatysty jınalǵan materıal ÁQBtK-niń 425-baby boıynsha ákimshilik is qozǵaý úshin ýákiletti organǵa jiberildi.
Jalpy, aǵymdaǵy jyldyń basynan beri karantın kezeńinde mobıldi toptar 894 reıd júrgizip, 544 zań buzýshylyq anyqtaldy.
Nur-Sultan qalalyq polıtsııa depapratmenti kásipkerlerge karantın sharalaryn buzǵany úshin jáne qyzmettiń toqtatylýy úshin jaýapkershilik qarastyrylǵany týraly eskertedi jáne sanıtarlyq normalardy saqtaýǵa shaqyrady.
