Karantın: Elordada kúnine 120 avtobýs tekseriledi
NUR-SULTAN. QazAqparat – Elordada kóliktik baqylaý departamentiniń qyzmetkerleri qoǵamdyq kóliktiń jolaýshylary kóp jınalatyn aıaldamalarda kúndelikti tekserý júrgizýdi jalǵastyrady. Bul týraly QazAqparat «CTS» AQ baspasóz qyzmetine silteme jasap habarlaıdy.
Olardyń basty maqsattarynyń biri – jolaýshylarmen túsindirý jumystaryn júrgizý. Naqty aıtqanda 10 mamyr kúngi Qazaqstan Respýblıkasynyń Bas sanıtarlyq dárigeriniń avtobýs ishinde betperde taǵý týraly qaýlysyn oryndaý.
«Kúnine bir qyzmetker 80-120 avtobýs tekseredi. Ol jolaýshylarmen qoǵamdyq kólikterdegi karantındik sharalarǵa qatysty aldyn alý jumystaryn júrgiziledi. Jolaýshylar betperde taǵýdan bas tartqan jaǵdaıda, avtobýstan túsýdi suraıdy. Esterińizge salamyz, avtobýstarda jol júrý aqysyn qolma-qol aqshasyz óteý qajet. Karantınge deıin qoǵamdyq kóliktegi qolma-qol aqshasyz júrý 98% qurady, qazir 100% jetti. Júrý aqysyn qolma-qol aqshasyz etý úshin kóliktik karta men basqa tólem túrleri qarastyrylǵan. Tólem SMS, QR-kod jáne mobıldik qosymshalar arqyly jasalady», - depa habarlaıdy kompanııanyń baspasóz qyzmetinen.
Qoǵamdyq kólik endi júre bastaǵanda, 12 mamyrda jolaýshylar sany 146 907 bolǵan. Al 15 mamyrda – 237 969, 18 mamyrda - 268 163 adamǵa jetip otyr.
