Karantın: Elordada qoǵamdyq oryndarda shekteý engiziledi

NUR-SULTAN. QazAqparat – Elordanyń «qyzyl aımaqqa» ótkeni eskerilip, keshe bas sanıtarlyq dáriger qosymsha shekteý sharalaryn qabyldady. Bul týraly Úkimet otyrysynda Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.

«Ótken táýlikte koronavırýs juqtyrýdyń 127 jaǵdaıy tirkeldi. Reprodýktıvti kórsetkishtiń sany birden asyp tur. Qalanyń «qyzyl aımaqqa» ótkeni eskerilip, keshe bas sanıtarlyq dáriger qosymsha shekteý sharalaryn qabyldady. Olar halyq kóp jınalatyn oryndardyń qyzmetine qatysty. Atap aıtqanda, oıyn-saýyq ortalyqtary, saýda oryndary, qoǵamdyq kólik, mektep, meıramhana jáneklýbtar, kınoteatrlar men fıtnes ortalyqtary jáne basqa da nysandar», - deıdi Nur-Sultan qalasynyń ákimi Altaı Kólginov.

Onyń aıtýynsha, indettiń juqtyrýdyń odan ári taralýyna jol bermes úshin birqatar shara qabyldanǵan.

«Infektsııalyq statsıonarlarda ázirge 720 tósek ázirlengen. Koronavırýs rastalǵan 331 adam, pnevmonııamen 31 adam emdelýde. Barlyq statsıonar medıtsınalyq buıymdarmen jáne dárilik zattarmen qamtamasyz etilgen. Rezervte 7 myń tósek-oryn bar», - deıdi ol.