Karantın: Elordada klıentterine kalıan usynǵan laýndj-bar ıesi jaýapqa tartyldy
NUR-SULTAN. QazAqparat – Elordanyń polıtsııa qyzmetkerleri karantın talaptaryn buzǵan elordadaǵy kóńil kóteretin oryndardyń biriniń ákimshisin jaýapqa tartty, dep habarlaıdy QazAqparat tilshisi.
«Saǵat 21.00-de «Ýchaske» jedel-izdestirý sharalary barysynda «Almaty» aýdanynyń polıtsııa basqarmasynyń jergilikti polıtsııa qyzmetkerleri Sátpaev kóshesindegi «Shıshka» atty kóńil kóteretin orynda Ákimshilik kodekstiń 441-baby boıynsha zańnyń buzylǵanyn anyqtady. Atap aıtqanda atalmysh orynnyń ákimshisi klıentterge kalıan qospasyn bergen», - dep habarlaıdy qalalyq polıtsııa departamentiniń baspasóz qyzmeti.
Atalmysh orynnyń ákimshisi budan buryn da zańdy buzǵany belgili bolyp otyr. ıAǵnı buryn da klıentterge kalıan berip, ustalǵan. Ákimshilik kodekstiń 441-baby boıynsha ákimshilik jaýapqa birneshe ret tartylsa da odan nátıje shyǵarmaǵan. Birneshe ret zań buzǵan oǵan 25 AEK aıyppul salyndy.
«Atalmysh kóńil kóteretin orynda 20 shaqty jas azamat otyrǵan. Olardyń kóbiniń ústelinde kalıan turǵan. Polıtsııa qyzmetkeriniń zańdy talabyna boısunbaǵan olardyń bireýi ákimshilik jaýapqa tartyldy. Mamandandyrylǵan aýdanaralyq sottyń sheshimimen Ákimshilik kodekstiń 667-baby 1-bóligi boıynsha kináli dep tanylyp, oǵan eskertý túrinde bultartpaý sharasy belgilendi», - dep habarlaıdy departamentten.
