Karantın: Elordada karaoke-bar basshylyǵynyń ústinen qylmystyq is qozǵalýy múmkin
2021 jyldyń 26 qańtary men 11 aqpanynda sot oryndaýshylary «Tequila» karaoke bary men «ZOLOTO» meıramhanasynyń qyzmetin 1 aı merzimge toqtatý týraly sot qaýlylaryn oryndaý maqsatynda mekemelerdiń syrtqy kirý esikterin mórlegen.
Sot oryndaýshysynyń obektiniń qyzmetin toqtatý týraly aktisi berilgenine qaramastan, «Doganstroy» JShS sot sheshimine moıynsunbaı «Tequila» karaoke barynyń esigin ózdigimen ashyp, qyzmetin jalǵastyrǵan. Bul týraly Nur-Sultan qalasy Esil aýdanynyń Sanıtarııalyq-epıdemıologııalyq baqylaý basqarmasyna shuǵyl habarlama túsken.
«2021 jyldyń 15 aqpanynda sot oryndaýshysy obektini qaıtadan mórledi.
Sot sheshimin oryndamaǵany úshin kásipkerlik sýbektisin QR ÁQBtK-niń 669-baby boıynsha ákimshilik jaýapkershilikke tartý týraly Nur-Sultan qalasynyń Ádilet departamentine hat joldandy.
Alaıda, 2021 jylǵy 18 aqpanda «Tequila» karaoke barynyń kirý esikteriniń qaıta ashylǵany anyqtaldy. Al bul óz kezeginde sot sheshiminiń qasaqana oryndalmaýyn bildiredi. Sondaı-aq sot sheshimin óreskel buzǵany úshin QR Qylmystyq kodeksiniń 430-babyna sáıkes qylmystyq jaýapkershilikke ákelip soǵady. Osy baptyń sanktsııasyna sáıkes 800 saǵatqa deıingi merzimge qoǵamdyq jumystarǵa tartý nemese 3 jylǵa deıingi merzimge bas bostandyǵynan aıyrý jazsy kózdelgen», - dedi Qazaqstanda koronavırýstyń taralýyna jol bermeý jónindegi Úkimet janyndaǵy vedomstvoaralyq komıssııadan.