Karantın: Elorda júrgizýshileri «úı-jumys» baǵdaryn buzǵany úshin jazalanady
NUR-SULTAN. QazAqparat – Elorda júrgizýshileri «úı-jumys» baǵdaryn buzǵany úshin «Sergek» júıesi arqyly jazalanady. Bul týraly Nur-Sultan qalasy Polıtsııa departamentiniń basshysy Erjan Sádenov málim etti, dep habarlaıdy QazAqparat tilshisi.
«Polıtsııa qyzmetkerleri «Sergek» kameralary arqyly júrgizýshiler men avtokólikterdiń derekterin jáne olardyń «úı-jumys» baǵyty boıynsha baǵdaryn bazaǵa engizdi. Óz baǵdaryn buzǵandar zańnamaǵa sáıkes jaýapkershilikke tartylatynyn eskertemiz», - dedi E. Sádenov Habar 24 telearnasynda ótken onlaın brıfıngide.
Osy oraıda ol qaladaǵy karantın rejimi talaptaryn saqtaýǵa shaqyrdy.
«Qumetti elorda turǵyndary! Karantın rejimi kezinde úıden shyqpaýlaryńyzdy talap etemiz», - dedi E. Sádenov.
Budan buryn habarlanǵandaı, elordada karantın rejimin buzǵan 300-den astam adam jaýapkershilikke tartyldy.
Sonymen qatar, qalada 30 avtokólik arnaıy aıyppul turaǵyna qoıyldy.
