Karantın: Dene qyzýy kóterilip turǵan jolaýshylar Almatyǵa kire almaıdy
ALMATY. QazAqparat – Almatyda Óńirlik kommýnıkatsııalar qyzmeti alańynda qalalyq taýarlar men qyzmetterdiń sapasy men qaýipsizdigin qadaǵalaý departamenti basshysynyń orynbasary Ásel Halyqova karantın rejiminiń talaptaryn naqtylady, dep habarlaıdy QazAqparat tilshisi.
«Almaty shekarasynyń perımetri boıynsha ornalasqan blok posttarda sanıtarlyq epıdemıologııalyq qyzmettiń mamandary da jumys isteıtin bolady. Olardyń mindeti - naýqas adamdardy taýyp, oqshaýlaý. Ol úshin arnaıy teplovızor quraldar paıdalanylady. Teplovızorlardyń sany búginde jetkilikti. Qalaǵa kiretin kóliktegi jolaýshylardyń qyzýy kóterilip turǵan bolsa, kirýine tyıym salynady», - dedi Ásel Halyqova.
Aıta ketý kerek, Almaty men Nur-Sultan qalalarynda karantın rejimi engizildi. Almatyda azamattar men avtokólikterdiń qalaǵa kirip shyǵyn shekteý úshin 27 blok post ornatylady.
Almaty ákimi Baqytjan Saǵyntaevtyń aıtýynsha, karantın qala turǵyndarynyń qaýipsizdigi úshin jasalyp otyr.
«Tótenshe jaǵdaı kezinde barlyǵymyz birigýimiz kerek. Bul jaǵdaıda ár azamattyń tártibi men oı-sanasy óte mańyzdy. Mundaı qıyndyqtan bizdi tek birligimiz ben bir-birimizge qoldaýymyz, tártip saqtaý arqyly ǵana shyǵa alamyz. Biz qıyndyqty jeńemiz», - dedi ol.
