Karantın bitkennen keıin de ushaq jolaýshylarynan anyqtama talap etiledi
NUR-SULTAN. QazAqparat – Іshki áýe reısteriniń júrýi qaýipti dep sanalatyndyqtan, karantındik sharalar kúsheıtiledi, dep habarlaıdy QazAqparat tilshisi.
«Іshki áýe reısteriniń júrýi qaýipti dep sanalatyndyqtan, karantındik sharalardy kúsheıttik. Buǵan qatysty departament basshysynyń qaýlysy bekitildi. Qaýlyda sanıtarlyq-epıdemıologııalyq sharalardyń bári qamtylǵan dep esepteımiz. Barlyq nysanda dızenfektsııalyq sharalar kúsheıtiledi. Osyǵan oraı áýejaı basshylarymen birge jınalys ótkizdik. Osy máseleniń bári sol jınalysta talqylandy», - deıdi Kóliktegi taýarlar men qyzmetterdiń sapasy men qaýipsizdigin baqylaý departamentiniń sanıtarlyq-karantındik pýnktteriniń basshysy Darııa Ázimbaeva.
Kóliktegi Bas memlekettik sanıtarlyq dáriger Sádýaqas Baıǵabylovtyń aıtýynsha, koronavırýs juqtyrmaǵany týraly anyqtama karantın aıaqtalǵannan keıin de qoldanylady.
«Bizde koronavırýsqa qatysty jaǵdaı turaqtaǵan joq, sondyqtan karantın bitkennen keıin de ushaqpen ushatyn jolaýshylar jáne ekıpaj múshelerine aıtyp ótken talaptar qoıylady. Sonyń ishinde koronavırýs juqtyrmaǵany týraly anyqtamany da talap etemiz», - deıdi ol.
