Karantın bitken soń qalaı ómir súretinimizdi de oılaý kerek – Roman Kım
NUR-SULTAN. QazAqparat - QR Parlament Májilisiniń depýtaty Roman Kım Memleket basshysy Qasym-Jomart Toqaevtyń málimdemesine oraı pikir bildirdi, dep habarlaıdy QazAqparat tilshisi.
«Qazirgi ýaqytta elorda men Almatyda karantın rejımi jarııalandy. Erte me, kesh pe - karantın rejımi aıaqtalady, odan keıin ary qaraı ómir súrýimiz kerek. Memleket basshysy Qasym-Jomart Toqaevtyń málimdemesi meniń kóńilimnen shyqty, sebebi shynymen de ary qaraı qalaı ómir súrýimiz kerektigin, ekonomıka týraly oılaýymyz kerek. Kóbi zeınetaqy jaǵy qalaı bolatyny týraly oılady. Prezıdent keshe zeınetaqy men memlekettik járdemaqy, sonyń ishinde ataýly áleýmettik kómek 10% ósetinin aıtty. Bul úlken qadam», - deıdi depýtat.
Sondaı-aq, Roman Kım agrarlyq sektorǵa qandaı kómek kórsetiletini týraly aıtty.
«Bizde qajetti azyq-túlik bar. Dúken sóreleri tolyp tur, múmkin baǵada azdap ózgeris bar bolar. Prezıdent agrarlyq sektordyń damýyna erekshe kóńil bóldi. Bul - óte jaqsy kómek. Bıýdjetten qosymsha 70 mlrd teńge bólinip, «Agrarlyq nesıelik korporatsııasy» AQ arqyly fermerlerge beriledi. Memleket basshysy sharalardy dál ýaqytynda qabyldady», - deıdi ol.
