Karantın: Atyraýlyq kásipkerlerdiń 40 paıyzy qyzmetkerlerin qysqartqan

ATYRAÝ. QazAqparat –Atyraý oblysynda pandemııa kezinde saýda, qoǵamdyq tamaqtaný oryndary, saýda, oıyn-saýyq ortalyqtary sekildi eń kóp zardap shekken bıznes sýbektileri arasynda saýalnama júrgizildi, dep habarlaıdy QazAqparat.

«Atameken» Ulttyq kásipkerler palatasy Atyraý óńirlik palatasynyń dırektory Abdolla Idresovtiń aıtýynsha, 3 myńǵa jýyq kásipkerden saýalnama alynǵan.

«Atyraý oblysynda 18 705 bıznes sýbektisi bar. Búgingi tańda óńirde pandemııa kezinde zardap shekken 3 myńǵa jýyq kásipkerden saýalnama alyndy. Oǵan sáıkes, kásipkerlerdiń 40% qyzmetkerlerin qysqartqan, 34% daǵdarys jaǵdaıynda, al 54% tabys aıtarlyqtaı tómendegen», - dedi Abdolla Idresov.

Onyń aıtýynsha, elimizde kásipkerlikti qoldaý úshin keshendi sharalar ázirlenýde. Shaǵyn jáne orta bıznes sýbektilerine memlekettik qoldaý kórsetý sharasynyń qatarynda neǵurlym zardap shekken salalarda nesıe tólemin bıylǵy 1 qazanǵa deıin keıinge qaldyrý múmkindigi usynylyp otyr.

Budan buryn habarlaǵanymyzdaı, Atyraý oblysynda 222 adam bıznes bastaý úshin nesıe men granttar aldy.