Karantın: Atyraýda toı ótkizý tyıylar emes
ATYRAÝ. QazAqparat – Atyraýda karantın rejımin buzyp, meıramhanalarda toı jasaǵandar anyqtaldy, dep habarlaıdy QazAqparat.
Atyraýlyq polıtseıler ótken juma-jeksenbide mobıldi toppen birge karantın talaptaryn oryndamaǵan ondaǵan toı ıelerin anyqtaǵan.
«Atyraý» yqshamaýdanyndaǵy 17-kóshedegi úıde 40-50 adam, al Mechnıkov kóshesindegi úılerdiń birinde 30-40 adam qatysqan toı ótkizilgen. Stýdentter kóshesinde ornalasqan meıramhanalardyń birinde ótip jatqan toıda 80 adam, «Almagúl» yqshamaýdanyndaǵy meıramhanada toılanǵan týǵan kúnde 50-60 adam, I.Taımanov kóshesindegi meıramhanada 50-60 adam jınalǵan toı anyqtaldy. «Jeruıyq» yqshamaýdanynda ornalasqan meıramhanalardyń birindegi karaoke-barǵa 15-20 adam jınalǵan», - dep habarlady oblystyq polıtsııa departamentiniń baspasóz qyzmeti.
Sondaı-aq, «Leshoz» yqsham aýdanyndaǵy jáne Vladımırskıı kóshesinde ornalasqan eki
Qorqor bar ıeleri karantın rejımine qatysty tyıymdarǵa qaramaı, jumys istegen.
Anyqtalǵan derekterge qatysty jınaqtalǵan qujattar Atyraý qalasynyń taýarlar men qyzmetterdiń sapasy men qaýipsizdigin baqylaý basqarmasyna joldandy.
Eske sala ketelik, budan buryn Atyraýda karantın kezinde túngi klýbtyń jumys istegeni anyqtalǵan edi.
