Karantın: Atyraýda birneshe nysannyń jumysy toqtatylady
Bul týraly oblystyń bas memlekettik sanıtar dárigeri Mádenıet Tanaýovtyń jańa qaýlysynda aıtylǵan.
«Kópshilik is-sharalardy (merekelik, kópshilik mádenı is-sharalardy, kórmelerdi, korporatıvterdi, forýmdardy, konferentsııalardy, sondaı-aq otbasylyq, estelik is-sharalardy (banketter, úılený toılary, mereıtoılar, eske alý jáne t. b.), onyń ishinde úıde jáne jappaı adamdar jınalatyn ózge de is-sharalardy ótkizý, oıyn-saýyq obektileriniń, banket zaldarynyń, jabyq úı-jaıdaǵy, sonyń ishinde qoǵamdyq tamaqtaný obektilerindegi balalar oıyn-saýyq ortalyqtary men attraktsıondardyń, oıyn alańdarynyń (aýladaǵylardy qospaǵanda), kalıan, býkmekerlik keńselerdiń, oıyn klýbtarynyń, túngi klýbtardyń, merekelerdi uıymdastyrý boıynsha qyzmet kórsetýdiń qyzmeti toqtatylsyn» -delingen qujatta.
Sondaı-aq, kórermenderi bar sporttyq is-sharalardy ótkizý, ashyq aýadaǵy attraktsıondardyń barlyq túrleriniń jumysyna (demalys saıabaqtarynda, alańdarda), basseınderi bar akvaparkterdiń jumysy, alańdardaǵy, saıabaqtardaǵy, skverlerdegi, jaǵalaýdaǵy balalardyń, eresekterdiń jyljymaly oıyn quraldarynyń usaq bólshek saýdasy, jalǵa berý, qalaralyq, oblysaralyq, qalalyq júıeli jáne júıeli emes avtobýs jáne shaǵyn avtobýs tasymaldary, jınalystar, keńester, semınarlar, konferentsııalardy offlaın rejımde ótkizý toqtaıtyn boldy.
Oblystyń bas memlekettik sanıtar dárigeriniń jańa qaýlysy 2021 jylǵy 17 shildede saǵat 00:00-den bastap kúshine enedi.
Eske sala ketelik, budan buryn Atyraýda karantındik shekteýler kúsheıtiletinin habarlaǵan bolatynbyz.
