Karantın: Atyraýda 1600 reıdtik tekseris júrgizgen
ATYRAÝ. QazAqparat –Atyraý oblysynda koronavırýsqa qarsy qaýipsizdik sharalary kúsheıtildi, dep habarlaıdy QazAqparat tilshisi.
Atyraý oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, Atyraýǵa 6-9 qazan aralyǵynda shetelden 5 áýe reıisi ushyp kelgen.
«Ystanbul, Antalııa jáne Amsterdamnan jetken ushaqtarmen 408 jolaýshy keldi. Olardyń 67-sinde COVID-19 -ǵa PTR-test qorytyndysy bolmaǵandyqtan karantındik statsıonarlarǵa jatqyzyldy. Jolaýshylardan koronavırýs juqpasyna synama alynyp, zerthanaǵa joldandy. Synamalar teris nátıje kórseti, eshqaısysynan qaýipti ınfektsııa anyqtalmady. Sodan soń jolaýshylar úılerine jiberildi» -dep habarlady departamenttiń baspasóz qyzmeti.
Sondaı-aq, Atyraý qalasy men aýdandarda qurylǵan 114 mobıldik top karantındik talaptardyń saqtalýyna monıtorıng júrgizip, reıd jumystaryn kúsheıtti. QR Bas memlekettik sanıtarlyq dárigerdiń qaýlysyn oryndaý maqsatynda 5 shilde-9 qazan aralyǵynda mobıldik top 1600 reıdtik tekseris júrgizgen. Nátıjesinde 653 materıal boıynsha shaǵyn jáne orta kásipkerlikke, sonymen qatar, jeke tulǵalarǵa 463 ákimshilik is qozǵalyp, 66 mln 794 myń teńgege aıyppul salynǵan.
Sonymen qatar, azyq-túlik dúkenderi, tamaqtaný oryndary, KJO tárizdi 139 zańdy tulǵalarǵa 55 mln 592 myń 590 teńge aıyppul salynǵan. Karantındik talapardy buzý boıynsha 190 materıal qaralýda.
Atyraý oblysynda kásipkerlik nysandaryna karantındik rejımnen soń ruqsat berý úshin komıssııa qurylǵan bolatyn. «InfoKazakhstan» portaly arqyly 9783 ótinish tússe, onyń 8899 habarlamalyq sıpatta bolsa, 883 ótinish tekserilýde. 130 ótinish qanaǵattandyryldy. Kúni búginge 9028 nysan óz jumysyn qaıta jandandyrdy.
Eske sala ketelik, budan buryn Atyraýda karantındik shekteý uzartylǵan bolatyn.
