Karantın: Atyraý oblysynda shekteý sharalary taǵy da sozyldy
Bul týraly oblystyń bas sanıtar dárigeri Mádenıet Tanaýovtyń jańa qaýlysynda aıtylǵan.
«Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary uzartylsyn. Shekteý is-sharalarynyń rejımi men merzimderi oblys aýmaǵynda COVID-19 koronavırýstyq ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin» -delingen qujatta.
Sondaı-aq, jańa qaýlyǵa sáıkes, Teńiz ken ornynda karantın sharalary epıdemıologııalyq jaǵdaı turaqtalǵanǵa deıin uzartylyp otyr.
«Teńizshevroıl» JShS, Teńizdegi jedel shtab, merdigerlik uıymdardyń jáne basqa kásiporyndardyń basshylaryna vahtalyq ádispen jumys isteıtin jumysshylar arasynda koronavırýstyq ınfektsııanyń taralýyn boldyrmaý úshin merdiger kompanııalarmen COVID-19 oshaqtaryn oqshaýlaý boıynsha naqty is-sharalar josparyn ázirleý, naýqastanýy sımptomsyz ótip jatqan ınfektsııa juqtyrǵan naýqastardy oqshaýlaý úshin Teńiz ken ornynda qosymsha karantındik oryndar ashý júktelgen.
Eske sala ketelik, budan buryn Atyraýda kópshilik is-sharalardy ótkizýge tyıym salynǵanyn jazǵan edik.