Karantın: «Ashyq» jobasynyń 11 qatysýshysy eki aptaǵa shettetildi - Pavlodar oblysy

PAVLODAR. QazAqparat - Ashyq jobasyna eki apta ishinde tirkeý boıynsha joǵary nátıjege jetken kóshbasshylar men aýtsaıderler anyqtaldy, dep habarlaıdy QazAqparat Pavlodarnews.kz-ke silteme jasap.

«Ashyq jobasynyń talaptaryn buzǵan 11 qatysýshy jobadan 2 aptaǵa 14 shildeden 28 shildege deıin shettetildi. Budan bólek, 2 apta ishinde kelýshilerdi tirkemegen (check-in), tirkeý sany 20 retten aspaıtyn 103 aýtsaıder bar. Monıtorıng toptary osy nysandarmen jumys júrgizip jatyr. Osy rette Ashyq jobasyna jaýappen qarap, barlyq talaptardy tııanaqty oryndap jatqan nysandardyń bary qýantady. Olardyń sany - 21», - dedi Pavlodar oblysy kásipkerler palatasynyń dırektory Serik Sádýaqasov.

Oblysta búginde Ashyq jobasyna 776 bıznes ókili qosyldy. Kásipkerlerden taǵy 120-ǵa jýyq ótinim qaraýda jatyr.