Karantın: Almatyǵa ómirlik qajetti zattardy jetkizý úshin «jasyl dáliz» qurylady
ALMATY. QazAqparat – Almaty ákimi Baqytjan Saǵyntaev karantın kezinde qalanyń saýda oryndary qalaı jumys jasaıtynyn aıtty, dep habarlaıdy QazAqparat tilshisi.
«Karantın rejımi kezinde qalaǵa birinshi qajettiliktegi taýarlardy: azyq-túlik ónimderin, dári-dármekti, medıtsınalyq ónimderdi, jeke qorǵaný jáne gıgıenalyq quraldardy jetkizý úshin «jasyl dáliz» júzege asyrylady. Karantın kezinde balabaqshalardyń, azyq-túlik emes saýda oryndarynyń, ıaǵnı bazarlardyń, azyq-túlik ónimderi men dárilik zattardy satatyn oryndardan basqa iri saýda, oıyn-saýyq ortalyqtary men saýda úıleriniń jumysy toqtatylady», - dedi Baqytjan Saǵyntaev.
Aıta ketý kerek, Almaty men Nur-Sultan qalalarynda karantın rejımi 19 naýryzda túngi saǵat 00:00-de engiziledi.
Azamattar men avtokólikterdiń qalaǵa kirip-shyǵýyn shekteý úshin 27 beket ornatylady.
