Karantın: Almatyda jumys rejımi buzylǵan 49 nysan anyqtaldy
ALMATY. QazAqparat - Almatyda quramyna aýdandyq ákimdikterdiń, jergilikti polıtsııa qyzmetiniń qyzmetkerleri, «Atameken» UKP ókilderi jáne Taýarlar men qyzmetterdiń sapasy men qaýipsizdigin baqylaý aýdandyq basqarmalarynyń mamandary kiretin 26 monıtorıngtik top 49 nysanda karantın talaptary buzylǵanyn anyqtady, dep habarlaıdy QazAqparat tilshisi.
17-18 qazan aralyǵynda 206 monıtorıngtik is-shara ótti.
Tekserý barysynda jumys rejımi buzylǵan 49 nysan anyqtaldy. Anyqtalǵan buzýshylyqtar boıynsha mamandarmen túsindirý jumystary júrgizildi. 44 jeke tulǵa karantın sharalaryn buzǵany úshin ákimshilik jaýapkershilikke tartyldy.
Osylaısha, Almaly aýdanynyń monıtorıngtik toby «Nur-El» meıramhanasynda 80 adamǵa jaıylǵan dastarhannyń ústinen tústi.
Jıynǵa kelgen qonaqtarǵa Almaty qalasynyń Bas memlekettik sanıtar dárigeriniń qaýly normalary jetkizildi, sodan keıin qonaqtar mekemeden ketti. Sondaı-aq, qyzmetine ýaqytsha tyıym salynǵan kompıýterlik klýb, loto klýby, «Mesto vstrechı» bılıard orny jumys istep turǵany anyqtaldy.
Monıtorıngtik top Áýezov aýdanynda «Dıadema» meıramhanasynda 100 adamǵa arnalǵan toı, «Amal» dámhanasynda 40 adamǵa arnalǵan jıyn, «Keremet»meıramhanasynda 60 adamǵa arnalǵan toıdy toqtatty.
Kelýshilerge túsindirý jumystary júrgizilip, QR Ákimshilik quqyq buzýshylyq týraly Kodeksiniń 425-baby boıynsha hattamalar toltyryldy. Sonymen qatar, ýaqytsha tyıym salynǵan mekeme - «Ýho ı medved» karaoke ortalyǵy jumys istep turǵany belgili boldy.
Alataý aýdanynda TJO, «Clesar Algabas» monshasy, «Baǵdat» dúkeni, «Han» dámhanasynda tártip buzýshylyqtar bolǵan.
Bostandyq aýdanynda «Rıtts Karlton»qonaq úıiniń janyndaǵy meıramhanada saltanatty is-shara 45 adamǵa arnalǵan toı anyqtaldy.
Túrksib aýdanyndaǵy monıtorıngtik top qyzmetine ýaqytsha tyıym salynǵan nysan «Atlantıs» bılıard klýbyn anyqtady.
Almaty ákimdigi qala turǵyndaryna óziniń jáne ózgelerdiń densaýlyqtaryna qaýip tóndirmeýge-jappaı oryndarǵa barmaýǵa jáne barlyq sanıtarlyq-epıdemııalyq talaptardy, maska rejımi, áleýmettik qashyqtyq qatań saqtaýǵa shaqyrady.
