Karantın: Almatyda jasyl dáliz qalaı jumys isteıdi
ALMATY. QazAqparat – Almaty qalasy ákiminiń orynbasary Saparbek Tuıaqbaev onlaın brıfıng barysynda qalany azyq túlikpen qamtıtyn Jasyl dáliz qalaı jumys isteıtinin túsindirdi, dep habarlaıdy QazAqparat tilshisi.
«Qazir biz kásipkerlermen ózara baılanys jumystaryn júrgizip jatyrmyz. Kásipkerlerdiń qoǵan suraqtary kóp. Óndirýshiler, logıstıkalyq kompanııalar, iri saýda ortalyqtary taýarlaryn qalaǵa kirgizip, qaladan oblysqa qalaı shyǵaramyz dep jatyr. Qalanyń shekarasynda bolsyn, ishinde bolsyn olarǵa qozǵalýyna ruqsat beriledi. Álbette SEQ talaptaryn saqtaǵan jaǵdaıda olar úshin jasyl dáliz ashylady. Qazir «Altyn orda» ortalyǵymen logıstıkalyq máseleler sheshilip jatyr. Eger olardyń qozǵalysyna qandaıda bir shekteý, qysym bolsa, biz arnaıy shtab telefondaryn beremiz. Sol arqyly kásipkerler shaǵymyn jetkize alady», - dedi qala ákiminiń orynbasary.
Foto: titus.kz
