KARANTIN: Almatyda taksıler qalaı jumys istep jatyr
ALMATY. QazAqparat – Almatyda karantın jaǵdaıynda taksı qyzmeti qalaı jumys isteıtinin qalalyq Mobıldilik basqarmasynyń basshysy Saǵyndyq Telebaev onlaın brıfıng barysynda aıtty, dep habarlaıdy QazAqparat tilshisi.
«Taksı boıynsha aıtar bolsaq, bizdiń reestrde taksoparkter resmı túrde tirkelmegen. Endi 6 taksopark reestrge tirkelýge ynta bildirdi. Qazir bul parkter boıynsha júrgizýshilerdiń densaýlyǵy tekserilip jatyr. Barlyq kóliktiń salony men kýzovy jýylyp jatyr», - dedi ol.
Basqarma basshysynyń aıtýynsha, tótenshe jaǵdaı kezinde qaladaǵy barlyq trotýar tıpindegi turaqtar tegin jumys istep tur.
Basqarma basshysy tótenshe jaǵdaı kezinde keıbir avtobýs marshrýttary ózgergenin aıtty.
«Qala syrtynan jolaýshy tasıtyn marshrýttar jumys istep turǵan joq. Bizdiń marshrýttar blok beketterge deıin baryp, ary qaraı adamdar ózderi qatynap jatyr», - dedi ol Qalqaman shaǵyn aýdany turǵyndarynyń saýalyna jaýap bere otyryp.
