Almaty qalalyq Polıtsııa departamenti baspasóz departamentiniń habarlaýynsha, tekseris kezinde massaj salonynda 7 boıjetkeniń qyzmet kórsetip jatqany anyqtaldy.

«Salonnyń biri qalanyń Medeý aýdanynda ornalasqan. Ekinshisi – Bostandyqta. Tekserý kezinde ol jerde jeti boıjetkenniń qyzmet kórsetkeni belgili boldy. Іshinde salon ákimshileri de bar. Ákimshilik is júrgizý úshin 11 adam aýdandyq polıtsııa basqarmasyna jetkizildi. Olardyń áreketi QR ÁQbK-niń 476-baby – tótenshe jaǵdaı rejımin buzý bolyp tanyldy», – dedi Almaty qalalyq PD bastyǵynyń birinshi orynbasary Nurlan Almasbekov.

Onyń aıtýynsha, áli kúnge deıin kóp adam vırýstan qandaı qaýip tónip turǵanyn bile bermeıdi.

«Mundaı faktiler, ókinishke qaraı, bir-ekeý emes. Olardyń qyzmeti mindetti túrde toqtatylady, kináliler jazalanady. Bul baǵytta arnaıy mobıldi toptar jumys istep jatyr», – deıdi N. Almasbekov.