Karantın: Almatyda qozǵalysqa ruqsat beretin qaǵazdar jaramsyz bolady
ALMATY. QazAqparat – Almatyda qalada júrýge ruqsat beretin qaǵaz anyqtamalar 7 sáýirden bastap jaramsyz sanalady, dep habarlaıdy QazAqparat tilshisi.
Qalada Tótenshe jaǵdaı rejımin qamtamasyz etý boıynsha jedel shtab karantın kezinde jumys isteıtin kásiporyndardyń elektrondyq tizimin jasady.
«Bul bazaǵa medıtsınalyq qyzmetkerler, quqyq qorǵaý organdarynyń qyzmetkerleri, memlekettik organdar, kommýnaldyq qyzmet pen BAQ ókilderi, taksı men tapsyryspen jetkizý qyzmetiniń ókilderi kirgen. Bul uıymdardan ótinim 1 sáýirden bastap qabyldanyp qoıǵan. Kásiporyn basshylary qyzmetkerlerine 6 sáýirge deıin jaramdy anyqtama jazyp bergen. Turǵyndar túrli formattaǵy qaǵaz qujat kórsete bastaǵan. Jedel shtab eshqandaı ruqsat qaǵazdar men arnaıy ruqsatnama berilmeıtinin resmı málimdeıdi. Tek elektrondyq baza ǵana jumys isteıdi. Búgingi tańda ruqsat alýǵa ótinish jibergen barlyq kásipkerlerge ruqsat berý nemese tyıym salý týraly elektrondyq hattar jiberildi», - dedi qalalyq ákimdiktiń baspasóz qyzmetinen.
Derekterdi toltyrý kezindegi qatelikterdiń kóp bolýyna, bazada jekelegen qyzmetkerler men avtokólikterdiń bolýy nemese bolmaýyna baılanysty kásipkerler Almaty Polıtsııa departamentiniń baılanys ortalyǵyna 254 40 07 telefony arqyly nemese business_stab@almatydc.kz elektrondyq poshtasy arqyly tekserýi kerek.
