Karantın: Almatyda kommýnaldyq qyzmetter úzdiksiz jumys isteıdi
ALMATY. QazAqparat – Almaty ákimdigi karantın kezinde kommýnaldyq qyzmetter úzdiksiz jumys isteıtindigin málim etti, dep habarlaıdy QazAqparat tilshisi.
Qalalyq Energotıimdilik jáne ınfraqurylymdyq damý basqarmasynyń basshysy Áset Masabaev kommýnaldyq qyzmetterdiń karantın aıasyndaǵy jumys rejımine qanshalyqty daıyn ekendigin aıtty.
«Qyzmetkerler arasynda ınstrýktaj júrgizildi. Barlyq aýdandarda táýlik boıǵy kezekshilik uıymdastyryldy. Qalany tótenshe jaǵdaı aıasynda jaryq, sý, jylýmen úzdiksiz qamtýǵa kásiporyn basshylarynan jaýapty tulǵalar bekitildi. Jumys oryndary sanıtarlyq óńdeýden ótip jatyr. Jumyskerler barlyq saqtyq quraldarymen qamtylǵan», - dedi ol.
«Almaty jylý jelileri» JShS-dan 12 apattyq brıgada, 40 tehnıka, 126 jumysker jumyldyrylǵan.
«Alataý Jaryk Kompanııasy» AQ tótenshe oqıǵalar oryn alar bolsa, qalada úzdiksiz jaryq berýdi qamtamasyz etetin 17 tótenshe brıgada, 17 arnaıy tehnıka, 68 jumysker jáne 3 dızel-generator uıymdastyrylǵan.
«Almaty Sý» MKK boıynsha tótenshe oqıǵalar oryn alar bolsa, qalada sý qubyrlary jáne sýshyǵarý jumystary úzdiksiz atqarylýy úshin 58 tótenshe brıgada, 328 arnaıy tehnıka, 1038 jumysker jáne 10 sý tasıtyn mashına ázirlep qoıǵan.
Sondaı-aq «KazTransGaz-Aımak» AQ-nyń 6 arnaıy tehnıkasy jáne 34 jumysshysy daıyn tur.
«Almaty qala jaryq» MQK-nyń 8 tótenshe brıgadasy, 20 arnaıy tehnıkasy jáne 80 jumyskeri uıymdastyrylǵan.
«Almatyjylýkommýnenergo» JShS-nyń 30 arnaıy tehnıkasy men 180 jumysshysy ázir.
«Almaty elektrstansasy» AQ JEO-1, 2, ZTK jáne Kaskad GES tótenshe jaǵdaılar kezinde úzdiksiz jumys istep turýy úshin 5 tótenshe brıgada, 20 birlik arnaıy tehnıka, 76 jumysker kúshi daıyndalǵan.
