KARANTIN: Almatyda ashyq turǵan saýda ornynyń basshysy 5 táýlikke qamaldy
ALMATY. QazAqparat – Almatyda tótenshe jaǵdaı rejımin buzǵany úshin 14 tulǵa jaýapqa tartyldy. Bul týraly qalalyq prokýratýranyń baspasóz qyzmeti málimdedi, dep habarlaıdy QazAqparat tilshisi.
Atap aıtqanda, qoǵamdyq oryn bolyp tabylatyn kásiporyn basshylary tártipti buzǵan.
«Azamattardyń ómiri men densaýlyǵyna qaýip tóndire otyryp, keıbir kásipkerler shtattyq rejımde jumys isteýdi jalǵastyryp jatyr eken. Onyń ishinde turǵyndar tarapynan «Voshod» saýda orny ashyq turǵany týraly shaǵym kelgen bolatyn. Almaty qalasynyń mamandandyrylǵan aýdanaralyq ákimshilik sotynyń 2020 jylǵy 21 naýryzdaǵy qaýlysymen «Arai Cash» JShS basshysy («Voshod» saýda úıiniń menshik ıesi) QR ÁQBtK-niń 476-baby boıynsha aıyppul túrinde ákimshilik jaýapkeshilikke tartyldy. Alaıda, qabyldanǵan sharalarǵa qaramastan «Voshod» saýda úıi kelesi kúni qaıtadan jumysyn jalǵastyrǵan. Osyǵan baılanysty atalǵan seriktestiktiń basshysy azamatsha A sottyń sheshimimen 5 táýlikke ákimshilik qamaýǵa alyndy», - dedi prokýratýranyń baspasóz qyzmetinen.
Aıta ketý kerek, koronavırýs pandemııasyna baılanysty Qazaqstan Respýblıkasynyń Prezıdenti eldiń búkil aýmaǵynda 2020 jyldyń 16 naýryzynan 15 sáýirine deıin tótenshe jaǵdaı engizý týraly Jarlyqqa qol qoıǵan edi.
Almatyda 2020 jyldyń 19 naýryzynan bastap karantın rejımi engizilip, birqatar sharalar men ýaqytsha shekteýler belgilengen. Olardy oryndamaǵan tulǵalar ákimshilik jaýapkershilikke (QR ÁqbK-niń 476-baby-10 AEK aıyppul nemese 15 táýlikke deıin qamaý) tartylady.
Kásipkerler arasynda birinshi qajettilik taýarlaryn joǵary ózindik quny boıynsha satý (alypsatarlyq) faktilerin, eńbek quqyqtary men tótenshe jaǵdaılar men karantındi buzý faktilerin anyqtaý jáne jolyn kesý maqsatynda Almaty qalasy prokýratýrasynyń, ákimdiktiń, Polıtsııa jáne Ekonomıkalyq tergeý departamentiniń qyzmetkerleri qatarynan mobıldi top (tel. +7701-172-27-07, +7701-755-06-99) jumysqa kiristi.
