Karantın: Almatyda 700-ge jýyq polıtseı jataqhanalarǵa ornalastyryldy
ALMATY. QazAqparat– Almatyda 700-ge jýyq polıtsııa qyzmetkeri karantın kezeńinde jataqhanalaryna ornalastyryldy, dep habarlaıdy QazAqparat tilshisi.
Qaladaǵy karantındik rejımge baılanysty, qaýipti vırýstyń taralýyn boldyrmaý maqsatynda qaladan tys jerde turatyn PD qyzmetkerleri ýaqytsha jataqhanalarǵa ornalastyryldy.
«Bizdiń qalamyz karantın rejıminde bolǵandyqtan, kez-kelgen turǵyn juqpaly aýrýdyń qozdyrǵyshy bola alady. Tótenshe jaǵdaıda quqyq qorǵaý júıesiniń jumysy kúsheıip, polıtsııa qyzmetkerleriniń halyqpen baılanysy jumystyń ajyramas bóligi bolyp tabylady. Polıtsııa jumysynyń ereksheligine baılanysty, qalanyń syrtynda turatyn tártip saqshylaryn ýaqytsha turǵyn úımen qamtamasyz etý týraly sheshim qabyldandy. Memleket esebinen bizdiń qyzmetkerlerimizge ýaqytsha turǵyn úıdiń barlyq qajetti jaǵdaılary jasaldy. Karantın kezinde Almatynyń barlyq polıtsııa qyzmetkerleri kazarmalyq rejımde qalada bolady», – dedi lmaty qalalyq PD basshysynyń orynbasary Ábdýalı Nasharbekov.
Óz kezeginde, tártip saqshylary turatyn jataqhanalarda qajetti jaǵdaılar jasalǵan aıtty.
«Úıde úsh balam, áıelim jáne anam qaldy. Árıne, biz saǵynamyz. Biraq bul qyzmet jáne biz barlyǵymyz týysqandar aldyndaǵy jaýapkershilikti jáne ózimizge júktelgen mindetterdi túsinemiz. Turǵyn úı jaǵdaılary týraly shaǵymdar joq, bizde bári bar. Qajet bolsa, kazarmada, shatyrlyq lagerlerde de turamyz, eń bastysy – bizdiń elimiz tynysh jáne azamattarymyzǵa eshteńe qaýip tóndirmese boldy», – dedi Metropolıtendegi polıtsııa basqarmasynyń qyzmetkeri Qýat Baıshýaqov.
