Karantın: Almaty ákimdigi kásipkerlerdi shekteý sharalaryna túsinistikpen qaraýǵa shaqyrdy

ALMATY. QazAqparat – Almaty qalasy kásipkerlik jáne ınvestıtsııa basqarmasynyń basshysy Erkebulan Orazalın onlaın brıfıng barysynda mereke kúnderi qarsańynda engizilgen shekteý sharalary kásipkerler úshin «óte aýyr» ekenin aıtty, dep habarlaıdy QazAqparat tilshisi.

«Biz karantın sharalary kásipkerler úshin aýyr ekenin túsinemiz jáne ol kiris kóp bolady dep kútilgen mereke kúnderine saı kelip tur. Alaıda bul densaýlyq saqtaý júıesi jumysyn turaqtandyryp, epıdemıologııalyq jaǵdaıdy jaqsartý úshin qabyldanǵan sharalar. Sondyqtan kásipkerlerdi shekteý shalaryna túsinistikpen qaraýǵa shaqyramyn»,- dedi ol.

Basqarma basshysy kásipkerlerge úndeý jasady.

«Men Almaty qalasynyń kásipkerlerine júgingim keledi. Karantın talaptaryna jaýapkershilikpen qarap, bir aptaǵa sozylatyn shekteý sharasyn saqtaýyn suraımyn. Eger biz bir apta ishinde karantın shekteýlerin saqtasaq, bul qalypty ómirge jáne tolyqqandy jumys isteýge múmkindik beredi«, - dedi Erkebulan Orazalın.

Aıta keteıik, Almatynyń bas sanıtar dárigeri qalada 21-28 naýryz aralyǵyndaǵy kezeńde qalada qatań shekteý sharalaryn engizgen bolatyn. Bul shekteý juqtyrý mehanızmin, sonymen birge juqtyrý tizbegin ajyratý boıynsha sharalardy qabyldaýǵa múmkindik beredi.