Karantın: Álem elderi koronavırýspen qalaı kúresip jatyr
Ulybrıtanııa COVID-19 taralýy boıynsha álemde tórtinshi orynǵa shyqty: munda 4 mıllıonǵa jýyq adam indetti juqtyrǵan.
Qaıtys bolǵandar sany boıynsha el besinshi orynda - 112 myńnan astam adam.
Brıtandyqtar Eýropadaǵy eń nashar kórsetkishke ıe, el lokdaýn rejıminde ómir súrýdi jalǵastyrýda.
Dúkenderdiń kópshiligi jabyq, oqýshylar qashyqtan oqyp jatyr, meıramhanalar jáne kafeler tek ózimen alyp ketý rejıminde jumys istep tur.
Irlandııa úkimeti buryn-sońdy bolmaǵan qadam jasady, Soltústik Irlandııa turǵyndaryna sebepsiz kirýge tyıym saldy. Erejeni buzýshylarǵa dúısenbiden bastap 100 eýro aıyppul salynady.
Irlandııa úkimeti el aýmaǵynda epıdemıologııalyq qaýiptiń besinshi (eń joǵary) deńgeıin jarııalady jáne pandemııa bastalǵannan berigi eń qatań karantın engizde.
Atap aıtqanda, ırlandııalyqtarǵa úıinen 5 shaqyrymnan astam qashyqtyqqa uzap shyǵýǵa tyıym salyndy.
Dúısenbiden bastap Frantsııa mektepteriniń oqýshylaryna qoldan jasalynǵan betperdelerdi taǵýǵa tyıym salyndy.
Budan bylaı mektepke tek medıtsınalyq maskalarmen kelýge ruqsat etiledi.
Sonymen qatar, Frantsııa bıligi barlyq salanyń qyzmetkerlerine ashana men kafege barmaı-aq jumys ornynda túski as ishýge múmkindik berý úshin eńbek zańnamasyn qaıta qaraýǵa kiristi.
Avstrııada murajaılar, haıýanattar baǵy men dúkender ashyla bastady, biraq bir ýaqytta kelýshiler sanyna shekteýler engizildi.
Shashtarazdar men sulýlyq salondary jumysqa qaıta oraldy, biraq kelýshilerden Covid-19 synamasynyń teris nátıjesi kórsetilgen anyqtama talap etiledi.
Betperde taǵý barlyq qoǵamdyq oryndarda mindetti bolyp tabylady jáne bul bir rettik medıtsınalyq betperdeler emes, súzgisi bar kúrdeli dızaındaǵy maskalar bolýy kerek.
Meıramhanalar men qonaq úıler áli de jabyq.
Ońtústik Koreıa astanasynda indettiń belgileri bar mysyqtar men ıtterdi koronavırýsqa testileý naýqany bastalǵany týraly habarlandy.
Seýl bıligi úı janýarlaryna adamdarǵa qoıylǵan erejelerdiń qoldanylýy kerek dep sanaıdy: úı janýarlaryn serýendetý kezinde ıeleri olardyń basqa janýarlar arasyndaǵy eki metr qashyqtyqtyń saqtalýyn qadaǵalap, test oń nátıjeli bolǵan jaǵdaıda eki aptaǵa tolyǵymen oqshaýlanýy kerek.
