Karantın: Aqtóbede 47 monıtorıng top jumys isteıdi

AQTÓBE. QazAqparat – Aqtóbe qalasyndaǵy monıtorıg top jumysyn kúsheıtti. Bir kúnde 12 buzýshylyq anyqtaldy, dep habarlaıdy QazAqparat tilshisi.

Aqtóbe oblysy boıynsha barlyǵy 47 monıtorıng top jumys istep tur. Onyń 11-i Aqtóbe qalasynda. 1-sáýir kúni qalalyq monıtorıng top 12 buzýshylyqty anyqtady. «Habbl Babl», «Tolko vzıal» kalıan barlary, «Rahat» karaoke klýby jáne «Loto», «Lotomatık» oıyn klýbtary karantın rejımin buzdy. Oblystyq sanıtarııalyq-epıdemıologılyq baqylaý departamentiniń qaýlysyna sáıkes mundaı oıyn-saýyq ortalyqtary qyzmetin toqtatýy tıis. Sonymen qatar «Oskar», «Sova Loft», «Elfan Pab», «Chechill Pub», «Imperıal», «Doner KZ» jáne «Praga» qoǵamdyq tamaqtaný oryndarynda karantınk shekteýi saqtalmaı, olar 22:00-den keıin jumysyn jalǵastyrdy. Adam sany da 30-dan asyp ketti.

«Bir kúnde 10-nan astam materıal tústi. Qaýlyǵa sáıkes shara qoldanamyz», - dedi oblystyq sanıtarııalyq-epıdemıologılyq baqylaý departamentiniń basshysy Nursulý Berkimbaeva.