Karantın: Aqtaýda karaoke-klýb qonaqtary polıtseılermen janjaldasty

AQTAÝ. QazAqparat - Aqtaýda indettiń aldyn alý maqsatynda Bas sanıtarlyq dárigerdiń Qaýlysyna sáı̆kes ákimdik qyzmetkerleri jáne jergilikti polıtsııa ókilimen birlesken top qaladaǵy birneshe nysanǵa kezekti monıtorıng jumystaryn júrgizdi. QazAqparat bul týraly Aqtaý qalasy ákimdiginiń baspasóz qyzmetine silteme jasap habarlaıdy.

Seısenbi kúni ótken monıtorıng barysynda qaladaǵy 5-shaǵynaýdanda ornalasqan «R12» dámhanasynyń (karaoke) jumys istep turǵany anyqtaldy.

Polıtseıler men monıtorıngilik top ókilderi karantın talaptaryn saqtamaǵan nysanǵa kirip, qonaqtardy taratýǵa tyrysqan. Alaıda karaoke-klýbqa kelýshiler polıtseılermen janjaldasyp, tártipke baǵynbaýdyń jolyn izdedi.

Mańǵystaý oblysynyń Bas sanıtar dárigeriniń 2020 jyldyń 21 qazan kúngi Qaýlysyna sáıkes kafeler men meı̆ramhanalarǵa saǵat 22.00-ge deı̆in ǵana qyzmet etýge ruqsat berilgen. Osyǵan baılanysty karantın talaptaryn saqtamaǵan nysan ıelerinen túsinikteme alynyp, ákimshilik hattama toltyryldy.

Aıta keteıik, buǵan deıin Aqtaýda túngi klýb ıesi tanymal reperdiń kontsertin jasyryn ótkizbek bolǵanyn jazǵan edik.