Karantın: Aqmola oblysynda kezekti qaýly shyqty
Qaýlyǵa sáıkes kópshilik jınalatyn saltanatty, otbasylyq, estelik, ujymdyq jáne basqa da is-sharalardy ótkizbeı, jumys tártibi saǵat 9-den 20-ge deıin, kelýshilerdiń sany 50 paıyzǵa deıin, biraq otyratyn oryn 30-dan artyq emes, ústel arasyndaǵy qashyqtyq 2 metrden kem emes jáne kelýshiler arasynda 1 metrden kem emes qashyqtyqty saqtaǵan jaǵdaıda qoǵamdyq tamaqtandyrý obektileriniń qyzmetine ruqsat berildi.
«Senbi jáne jeksenbi kúnderi qyzmetin toqtata otyryp, jumys kúnderi aldyn ala jazylý boıynsha kelýshilerdiń sanyn 50 paıyzdan asyrmaı jáne bir adamǵa 5 sharshy metrden kem emes oryndy qamtamasyz etip, fıtnes-ortalyqtary, trenajer zaldary men sport saýyqtyrý ortalyqtarynyń qyzmetine ruqsat berildi. Sonymen birge, demalys kúnderin qospaǵanda saǵat 8-den saǵat 24-ge deıin, kelýshilerdiń sanyn 50 paıyzdan asyrmaı jáne bir adamǵa 4 sharshy metrden kem emes oryn bolǵan jaǵdaıda saýna, SPA ortalyqtary da jumys isteıdi», - delingen qaýlyda.
Budan bólek, memlekettik organdardyń (uıymdar, kásiporyndar), kvazımemlekettik sektor organdarynyń, ulttyq kampanııalardyń, ózge de uıymdardyń, sondaı-aq kásipkerlik sýbektileriniń qyzmetine ruqsat berilip otyr. Bul rette, COVID-19 taralýy men aldyn alý jónindegi is-sharalarǵa qatysatyn uıymdardan jáne tirshilikti qamtamasyz etetin kásiporyndardan, quqyq qorǵaý organdarynyń qyzmetkerlerinen jáne tótenshe jaǵdaılar qyzmetiniń qyzmetkerlerinen basqa; shtattyq kestede 15 jáne odan artyq qyzmetker bolǵanda, qyzmetkerlerdiń keminde 80 paıyzy qashyqtyqtan jumys atqarady.
Azyq-túlik emes jáne azyq-túlik jabyq bazarlary (bazar úlgisindegi saýda úıleri, saýda ortalyqtary, pavılon, dúken jáne t. b.) kelýshilerdiń sanyn 30 paıyzdan asyrmaı jáne bir kelýshige keminde 4 sharshy metr oryn saqtaı otyryp bes kún jumys istep, senbi jáne jeksenbi kúnderi jabylady. Alańy 2000 sharshy metrden astam saýda oıyn-saýyq ortalyqtary, saýda úıleri, saýda ortalyqtarynyń jumys kestesi jumys kúnderi saǵat 10.00-den 22.00-ge deıin anyqtalyp otyr.
Al, balalar oıyn alańy men attraktsıon qyzmetine tyıym salyndy.