Karantın: Aqmola oblysynda eki kúnde 360 nysanǵa tekserý júrgizildi
KÓKShETAÝ. QazAqparat - Aqmola oblysynda 181 mobıldi monıtorıng toby jumys isteıdi.
Olar Aqmola oblysynyń aýmaǵynda zańdy jáne jeke tulǵalardyń koronavırýs ınfektsııanyń taralý qaýpi týyndaýynyń aldyn alý boıynsha sanıtarlyq epıdemııaǵa qarsy jáne sanıtarlyq-profılaktıkalyq, shekteý is – sharalaryn saqtaýyna monıtorıng júrgizedi, dep habarlaıdy QazAqparat tilshisi oblystyq sanıtarlyq-epıdemıologııalyq baqylaý departamentine silteme jasap.
Vedomstvonyń málimetinshe, bıylǵy jylǵy qańtardyń 30-31 kúnderi aralyǵynda monıtorıngtik top 68 reıd júrgizdi. Monıtorıngpen qamtylǵan 360 nysannyń 29-da (azyq-túlik dúkenderi-7, azyq-túliktik emes dúkender-3, qoǵamdyq tamaqtaný obektileri-12, monshalar/ saýnalar-4, kottedjde jappaı is-shara-1, manıkıýr salony-1) karantındik talaptardyń buzylǵandyǵy anyqtaldy.
