Karantın: Ákimdikterge birqatar sharalar ótkizýge tyıym salynady

NUR-SULTAN. QazAqparat - Oblystardyń jáne respýblıkalyq mańyzy bar qalalardyń ákimderi sporttyq jáne ózge de buqaralyq, sonymen qatar otbasylyq, eske alý sharalardyń ótkizilýine tyıym salynýyn qamtamasyz etýi tıis. Bul jaıynda QR Bas sanıtarlyq dárigeri Aıjan Esmaǵambetova qol qoıǵan el halqyn koronavırýs ınfektsııasynan qorǵaý sharalaryn odan ary kúsheıtý týraly qaýlysynda aıtylǵan, dep habarlaıdy QazAqparat tilshisi.

Atalǵan qaýlyǵa sáıkes, oblystardyń, Almaty, Nur-Sultan jáne Shymkent qalalarynyń ákimderi sporttyq jáne ózge de buqaralyq, sonymen qatar otbasylyq, eske alý sharalardyń ótkizilýine tyıym salynýyn qamtamasyz etýi tıis. Saýda, oıyn-saýyq ortalyqtarynyń, kın o teatrlardyń, teatrlardyń, kórmelerdiń jáne adamdar kóp jınalatyn ózge de nysandardyń jumysyna tyıym salynady. Dinı nysandardyń da esikteri ázirshe kelýshiler úshin jabyq.

Munan bólek, ákimder ákimdikter janyndaǵy utqyr toptardyń kúshimen nysandardyń keıbirine tekserý júrgizýdi jáne indetke qarsy rejım talaptar oryndalýyn saqtaýǵa monıtorıng júrgizi qajet. Ásker qataryna shaqyrylýshylar áskerı bólimge kelgennen keıin PTR (polımerazdy tizbekti reaktsııa) ádisimen COVID-19-ǵa zerthanalyq tekserýden ótýi tıis. Qoǵamdyq oryndar, ónerkásip aýmaqtary, áýejaılar, aýladaǵy balalar alańdary jáne ózge de nysandarda sanıtarlyq jáne zalalsyzdandyrý jumystary júrgizilýi kerek. Sonymen qatar Halyq arasynda COVID-19-dyń taralýynyń aldyn alý boıynsha aqparattyq-túsindirý jumystaryn qolǵa alýylary qajet.