Karantın: 8 elordalyq kásipker jaýapkershilikke tartyldy

NUR-SULTAN. QazAqparat - Elordanyń monıtorıngtik toptary táýlik boıy kúsheıtilgen rejımde jumys isteıdi, dep habarlaıdy Nur-Sultan ákimdiginiń resmı saıty.

3 shildede olar 8 kásipkerlik sýbektisin ákimshilik jaýapkershilikke tartty.

Esil aýdanyndaǵy «BHB» klýbyn tekserý kezinde 500 kelýshi bolǵan, sonymen qatar mekeme belgilengen ýaqyttan keıin jumys istegen. Jumys rejımin «Bao bao» karaoke-klýby da buzdy.

Saryarqa aýdanynda tún ortasynan keıin «Retro» kafesi, «Respawn» kompıýterlik oıyn klýby jumys istegen. Sondaı-aq, belgilenbegen ýaqytta «As» ashanasy men PS4 «Elclasico» oıyn klýby jumysyn jalǵastyrǵan, onymen qosa munda túngi ýaqytta kámeletke tolmaǵan 5 bala boldy. Sonymen qatar, mekemelerde kelýshiler sany boıynsha shekteýler saqtalmady.

Almaty aýdanynda ornalasqan kottedjderdiń birinde qatań tyıym salynǵanyna qaramastan úılený toıy ótti.

Baıqońyr aýdanyndaǵy «Shocolate» sulýlyq salony da jumys rejımin buzǵany úshin ákimshilik jaýapkershilikke tartyldy.

Jınalǵan materıaldar tıisti sharalar qabyldaý úshin sanıtarlyq-epıdemıologııalyq baqylaý basqarmasyna tapsyryldy.

Eske salaıyq, elorda áli kúnge deıin «qyzyl» aımaqtan shyqqan joq. Qaladaǵy epıdemııalogııalyq jaǵdaı turaqsyz, koronavırýs juqtyrǵandar sany kun sanap artýda. Qala turǵyndary men qonaqtaryna, kásipkerlik nysandaryna barlyq sanıtarlyq normalardy, shekteý sharalaryn qatań saqtaý kerektigi eskertiledi.