Karantın: 4 óńirde qandaı jańa shekteý sharalary engizildi
«Ashyq»-qa qatysatyn obektilerdi qospaǵanda, qalaaralyq, oblysishilik, qalalyq turaqty jáne turaqty emes (týrıstik) avtobýs jáne mıkroavtobýs tasymaldary ýaqytsha toqtatylady. Jabyq jaǵajaılar men akvaparktardyń, attraktsıondardyń qyzmeti toqtatylady.
Demalys kúnderi «Ashyq»-qa qatysatynyna qaramastan, qoǵamdyq kóliktiń, SOSO-nyń, saýda úıleriniń, saýda jelileriniń, sport obektileriniń (sport keshenderiniń, sport mektepteriniń, sport klýbtarynyń, jattyǵý zaldarynyń), qoǵamdyq tamaqtaný obektileriniń, fýdkorttardyń (tamaq jetkizýmen jumys isteýge ruqsat etiledi), fıtnes-ortalyqtardyń, fıtnes-klýbtardyń, ıoga-ortalyqtardyń, sporttyq-saýyqtyrý nysandarynyń, saýnalardyń, monshalardyń, SPA-ortalyqtardyń, basseınderdiń, kınoteatrlardyń, teatrlardyń, kontsert zaldarynyń, fılarmonııalardyń, tsırkterdiń, alańy 1000 m² asatyn azyq-túlik emes taýarlardy satatyn obektilerdiń, ashyq jáne jabyq bazarlardyń, kompıýterlik klýbtardyń, boýlıngterdiń, bılıardtyń, karaokeniń, túngi klýbtardyń, bilim berý ortalyqtarynyń, balalar men eresekterge arnalǵan úıirmelerdiń, balalardy damytý ortalyqtarynyń, balalardyń oıyn-saýyq ortalyqtarynyń, bankterdiń, HQKO-lardyń, Qazposhta bólimsheleriniń, dinı nysandardyń jumysyna tyıym salynady.
Jumys kúnderi saǵat 17:00-ge deıin balalar oıyn-saýyq ortalyqtarynyń (oıyn alańdary, jabyq ǵımarattardaǵy attraktsıondar), SOSO, saýda úıleriniń, saýda jelileriniń, ashyq jáne jabyq bazarlardyń qyzmeti shektelgen.
Jumys kúnderi saǵat 17:00-ge deıin («Ashyq» qatysýshylary – saǵat 20:00-ge deıin) qoǵamdyq tamaqtaný obektileriniń, fýdkorttardyń, fıtnes-ortalyqtardyń, fıtnes-klýbtardyń, ıoga-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtarynyń, sport obektileriniń, basseınderdiń, kınoteatrlardyń qyzmeti shekteledi.
Vaktsına alǵan jáne sońǵy 3 aı ishinde koronavırýstan jazylyp shyqqan adamdardy qospaǵanda, barlyq uıymdardyń 80% qyzmetkeri úshin qashyqtan jumys isteý formaty engiziledi.
Eske salsaq, búgin QR Premer-Mınıstri Asqar Mamın QR aýmaǵynda koronavırýs ınfektsııanyń taralýyna jol bermeý jónindegi vedomstvoaralyq komıssııanyń (VAK) otyrysyn ótkizdi.
